捲耳貓與摺耳貓都係由基因變異所產生出黎既品種，剛出生既捲耳貓耳仔係唔捲架，大約出生後既2~7天慢慢耳仔就會向後捲起，由90度至180度既都有🙆🏼♀️但係捲耳貓既基因突變並非缺陷突變，所以係唔會有摺耳貓可能會有既天生基因缺陷，而摺耳貓因本身是突變種，會摺耳就係因為軟骨不全，四肢容易有病痛、行動不便，所以真係唔好因為佢既可愛而買黎飼養，畢竟沒有買賣就沒有傷害啊🙆🏼♀️。
洗耳仔對貓奴們一向都係其中一項大挑戰黎而且充滿學問💁🏻當然貓種與個體上差異係影響耳仔健康既因素，折耳貓因為基因突變既關係，耳朵較小且向前垂下，所以容易造成通風不良；而捲耳貓既耳朵雖然係立著，但耳朵末端向後捲曲，而且耳殼硬且窄，容易造成清理上既困難，因此特定貓種必須更用心去照顧清潔耳朵啊。
應何時及怎樣清潔貓貓耳仔？ 定期為貓咪檢查耳仔，最好係光線充足既地方，要清楚睇到耳道情況，選擇貓貓放鬆（如睡覺或撒嬌）時進行。！輕力！將耳殼外翻，檢查耳道，無耳垢或異味就不需清潔，過度清潔反而會令耳仔發炎。如留意到貓貓不斷甩頭、側頭或搔耳，就要帶去診所檢查。
清潔貓耳前準備 預備好用品，包括：潔耳水（以水性、不含酒精為首選）及棉花球或化妝棉，千萬不能用棉花棒因為當貓咪若有陏動，好容易棉花棒既頭就會跌入耳道架。而且盡量讓貓咪放鬆。如貓咪易受驚，請在安靜與冇其他動物既房間進行清潔，以免潔耳期間貓貓受驚掙扎，弄傷耳仔。
清潔貓耳步驟
1. 輕力地將耳殼外翻，檢查耳道，將洗耳水多滴入耳內，如果貓咪對滴入耳內依個動作比較反感，可以用洗耳水濕滿棉花球再輕輕係耳殻將洗耳水擠壓入耳內，依個方法可以減低洗耳水流入耳內既衝力，貓咪會比較容易接受接受💁🏼
2. 一隻手扶住貓頭，另一隻手輕輕按摩耳仔根部，讓潔耳水充份溶解耳垢。
3. 放開手，讓貓貓將耳垢甩出黎，用乾既棉抹乾淨。
4. 過程中動作要輕柔，如貓反抗，要慢慢安撫或多揾一個人幫助扶住。千萬唔好大聲喝罵或大力按住貓貓，咁只會令佢更討厭潔耳。
5. 完成清潔後，要獎勵貓貓，如稱讚、抱抱、俾零食。令佢地將潔耳同美好事物聯想埋一齊，就冇咁抗拒啦🙆🏼♀️
健康貓咪既耳仔係冇異常既情況下，唔會出現太多耳垢，如果貓咪耳仔冇耳垢或臭味，係唔需要每日清理，有時過度清理，反而會容易造成耳朵發炎，因此如果只係恆常保健，每個禮拜清潔1-2次就可以啦。
تعليقات