！注意！今次講既小知識針對只患上「腎衰竭」既狗狗架咋🙆🏼♀
當毛孩患上腎病後，胃口欠佳係非常普遍但唔進食或進食唔夠又會令病情惡化，做成惡性循環😣。有腎病毛孩既家長都知道，處方糧係其中一個方法但餵食處方糧係場搏鬥，因為非常唔好食🤦🏻♀️於是大部分家長，都會考慮親自動手製作鮮食俾毛孩，究竟有咩食材可以選擇呢💁🏻♀️
一、避免以低品質既蛋白質（by Product）食物餵食而增加腎臟負擔 💁🏻♀️
低品質既蛋白質，即植物性蛋白質，唔係話佢唔好、瑕疵品，而係可能會缺乏一種或幾種必需胺基酸，消化後會產生較多既代謝廢物（尿素氮），代謝廢物越多越會增加已經衰竭腎臟既負擔，亦會造成更多無法排出既代謝廢物累積，造成更多身體既毒害。 二、適度既脂肪來提供熱量 💁🏻♀️
雜食偏肉性既狗狗需要既熱量主要來自於油脂而唔係人類需要既碳水化合物，除非有高膽固醇問題或者係「胰臟炎」。除非家長們有不當餵食高油脂食物既問題，足量既脂肪對於狗狗健康係好重要架。🙆🏼♀️
- 蛋白質挑選那位🥚🤔
動物性蛋白質優於植物性蛋白質：品質最好既蛋白質係蛋白（蛋黃是高磷），其次係生肉，再其次是煮過既肉，再其次是全熟既肉，加工過或過度高溫烹煮既肉類係最差。
例如：牛肉>羊肉>火雞肉>雞肉帶皮>豬肉
**骨頭（魚骨都係！）含有較多既磷 腎病後期要更加注意**
輕度至中度CRF值（肌酸酐creatinine 1.6∼4.5 mg/dL，或141∼398 µmol/L）每1公斤餵食2.0∼2.2克既蛋白質，為最低限度蛋白質量，如果磷已經係控制限度內，而狗狗並冇尿毒現象同時亦冇過度蛋白尿的，真係不必擔心餵食蛋白質過高既問題。
- 脂肪點樣揀？🤔
脂肪係熱量中含磷量較少既食物🙆🏼♀️，因此腎病狗狗可用於增加熱量攝入而不增加磷。如果狗狗已經屬於超重或唔點運動既，咁並唔需要大量既熱量，餵食中等量既脂肪就可。過量既脂肪可能導致腹瀉或粘液性糞便，而且有胰臟炎既狗狗，脂肪含量更加需要控制。如果脂肪減少，咁就要增加碳水化黎提供低磷熱量啦🙆🏼♀️。
例如：黑肉雞、火雞比白肉脂肪更多，雖然家禽仍然為低脂肉，所以可以提供少少雞皮或鴨皮，牛肉既磷比雞少，羊肉、火雞屬於兩者之間。
目前已經有研究發現ω-6脂肪酸對患有腎病狗有害。可以使用魚油，如鮭魚油或EPA油。
另外，亞麻籽油具有比大多數植物油更多既ω-3脂肪酸，但亦係ω-6含量高既油，所以都唔推薦。
- 控制磷、鉀、鈉
根據NRC (美國國家研究委員會)準則，低磷飲食是指每1公斤體重磷既餵食量在係介乎15∼40毫克(7 ∼ 18 mg/lb)。高磷食物包含骨頭、奶製品、帶骨魚，內臟肉以及蛋黃。唔係完全唔俾唔餵依d高磷食物，因為高磷食物都係健康飲食重要既一部份，只係餵食要適中控制。穀類同蔬菜中既含磷量也要注意，以下係各體重狗狗需要量💁🏼♀️：
10磅（4.5公斤）體重： 68∼182毫克（腎衰竭非常初期可以提高到 272毫克）
25磅（12公斤）體重： 170∼455毫克（腎衰竭非常初期可以提高到682毫克）
50磅（24公斤）體重： 340∼900毫克 （腎衰竭非常初期可以提高到1364毫克）
75磅（36公斤）體重： 511∼1364毫克 （腎衰竭非常初期可以提高到2045毫克）
100磅（45公斤）體重： 680∼1818毫克（腎衰竭非常初期可以提高到2727毫克）
另外，狗狗其實係唔多需要來自碳水化合物既營養，但係為咗降低磷，需要餵食約一半既碳水化合物降低動物性蛋白質食物中既磷含量，目的係要增加熱量供給而避免磷都跟住增加。
蔬菜必須煮過、切碎或打成汁、攪拌混合以便狗狗容易消化，烹煮過程可以令磷、鉀、鎂流失，所以對於腎衰竭既狗狗比較好，雖然會流失㫓一或破壞掉一些維他命。
例如: 高麗菜對於腎衰竭常會出現既潰瘍好有益處，羽衣甘藍亦係屬於低磷既菜。
水煮或者蒸既比煎、焗既容易流失磷，所以千其要記得，煮過食物既湯汁唔好！唔好！唔好！🙅🏻♀️俾腎衰竭既狗狗飲，但另外加水係可以既。🙆🏼♀️
芹菜（高鈉）、歐芹、冬瓜同蒲公英都係屬於利尿，因此給腎衰竭的狗兒吃並不是很理想。
關節炎既狗狗兒則要避免薯仔、番茄、茄子同椒類啦。💁🏼♀️
世上冇一份完全正確既食譜，所有野都係需要均衡同控制分量、控制個比例，如果係不幸患上疾病就更加需要注意營養攝取🙈建議家長們真係要睇多D點樣食先係對佢哋最好🙆🏼♀️。如果都係想親自動手為毛孩做份餐，請先同醫生討論，了解毛孩目前腎病既階段以及各項檢查既數據，同時釐清有冇其他疾病，如果掌握唔到營養內容同依據狗狗腎病病程調整飲食，請千萬唔好自行調配🙅🏻♀️揾專業人士幫幫手啦☺️🙆🏼♀️
コメント