有冇奴才發現有主子/主子s後🐾，心理質素上升咗（被提升）好多呢，小編養貓前連半夜去廁所都驚驚地加上怕黑，有少少聲都會嚇親🤣但養咗貓貓後，已經見慣不怪了🤦🏻♀️第一時間就聯想到主子又做咩呢🤣🤣今次就黎盤點下貓奴家最常見既10種「靈異現象」啦🙆🏼♀️
1.物品都會忽然自己跌落黎😱
你永遠唔知道點解當你係房間內好好休息、煲劇、打機乜都好，突然間屋內既某一處就會傳出一陣噼里啪啦既聲，然後你會發現物品莫名奇妙地係個冰涼既地上🤣不過習慣就好，都幾肯定主子又開始推野落地🤦🏻♀️
2.總有剌熱既視線望住你😱
養貓前，成日會疑神疑鬼總係覺得有野望自己😰養貓後，就會知主子暗暗地觀察緊自己做緊咩🤣主子會隱藏躲避在角落，兩隻圓碌碌就一直望住你望到你理佢為止，但一被發現又若無其事咁走開，好似從來冇偷望過你一樣。
3.神秘既「小禮物」😱
有冇失驚無神試過有小昆蟲屍骸係你張床上或者一開門見到有「小禮物」呢，恐怖片中當有人被魔鬼附身時，周邊就會出現一些莫名的昆蟲、鳥類的屍體，但對貓奴黎講都係見怪不怪啦。雖然係來自於主子既小心意，代表住佢地對奴才既愛意🤣亦都有可能係主子覺得奴才太弱，無法自理搵唔到飯食唯有親自出手帶D好野俾你🤣滿滿既愛啊，不過就嚇親唔少奴才啦🤦🏻♀️
4.關上既門或櫥櫃會離奇地打開😱
夜晚訓訓下門會突然被悄悄打開，或者隔日起身時櫥櫃入面被翻到天翻地覆，明明冇人闖入卻搞到好似有小偷一樣，主子係真有本事可以將屋企搞到案發現場咁🤣！有D仲厲害既會偷跑入衣櫃後仲記得關門，最嬲既係當你好急咁搵佢既時候，主子卻一副唔關我事既表情靜靜望住你。
5.晚晚總會有一段時間被「鬼壓床」😱
有D主子真係好鍾意係奴才身上訓教，然後每晚都會有段時間被「鬼壓床」你唔郁得、唔敢郁又或者唔捨得整醒可愛既主子🤣撞著主子嗰晚想嗲多陣真係分分鐘成晚都訓唔到🤦🏻♀️一整晚就被主子既煲水聲同重量圍繞住，平均一隻七、八公斤既主子壓係身上，真係「叫天天不應，叫地地不靈」啊😣
6.電腦、手機會出現奇怪既字😱
主子對於奴才既行為會感到非常好奇，當你專注使用電腦時，主子都會想靠近按按你既鍵盤或乾脆整隻坐係上面，想要你只能/只可以將注意力放翻係佢身上。有D網友曾分享過自己離開座位再翻黎，發現電腦或手機上多咗幾串「摩斯密碼」，原來係屋企主子趁佢行開偷打字再送出🤣
7.錢銀經常不翼而飛😱
之從有咗主子後，一見到任何貓用品都會停底睇下摸下，望多兩望不自覺就會買埋🤦🏻♀️無論係年終促銷，雙11，雙十二，聖誕節，情人節，元旦節，貓砂貓抓板，貓玩具總之有關主子既一切，都想買買買🤣
8.親人全都被迷惑😱
最恐怖既一點啊係！！仲記唔記得當初要帶主子入屋時，家人中總有一、兩個話唔俾養貓，但今時今日大多都已經敗係主子既肉球下🐾原本話要將貓丟出去既家人，突然180度大轉性，對主子視如己出，甚至會親自料理貓餐、幫主子拍patpat等舉動，鬧下都唔得，由「超討厭貓」瞬間變成「貓奴」，根本就同俾人附身一樣改變超大🤣
Comments