上次就同大家分享過腎病，今次就介一下心臟病依個近年來一直高居狗狗十大死因前三名既隱型殺手啦💁🏻♀️毛孩們患上心血管疾病係相當常見既，而且有D係出生時已有既先天性缺陷，有D則係隨住年紀增長而出現既後天性疾病。毛孩好多都忍耐力驚人，到顯示出病徵時，就有可能已有惡化既機會了🤦🏻♀️
心臟病種類與高風險族群💁🏻♀️
1.先天性瓣膜發育不全：
先天性瓣膜發育不全導致血液無法有效輸出，可能造成全身性缺氧。通常係年輕時就會診斷出明顯症狀。
高風險族群：各種犬種都有可能，以黃金獵犬、拉布拉多等大型犬比較多。
2. 心臟瓣膜病變：
最常見既心臟病類型；瓣膜退化導致無法係心室收縮時有效地阻擋血液，造成血液往心房逆流，其中以二尖瓣發生退化機率最高。
高風險族群：中老年以上既小型狗，其中又以摩天使罹患機率比較高，好發年齡相對年輕。
3. 擴張性心肌病：
心臟的心室擴大、心肌變薄且收縮能力變差，臨床症狀包含咳嗽、虛弱、呼吸困難、腹部膨大等等，甚至會引發急性心衰竭造成猝死。
高風險族群：常見於大型犬，例如杜賓狗、拳師狗等。
4. 心絲蟲感染：
傳染性疾病，以蚊為主要傳播媒介，心絲蟲會藉由血液循環移動，主要寄生於心臟及肺臟，初期症狀包含咳嗽、運動力下降，然後會干擾血液循環，使心臟衰竭，嚴重可導致死亡。
高風險族群：只要冇食預防藥都有可能受感染，不分品種、年齡同性別！係唯一家長們可以主動預防既心臟疾病！
係臨床統計上，無論係「先天性心臟病」、好發於小型犬既「瓣膜性心臟病」，定係好發於大型犬既「擴張性心肌病」，確實以純種犬罹患的機率較高，同時唔同類型心臟病都有特定好發
犬種。家長都需要注意，心臟病雖然有好發品種同年紀，只係臨床統計比例較高，所有品種、性別、年齡既狗狗都有可能罹患心臟病。
心臟病的五個常見徵兆💁🏻♀️
1.咳嗽
比較明顯既徵兆之一係咳嗽，如果毛孩心臟開始不正常，可能係清晨／半夜會特別容易聽到毛孩咳嗽聲。聲音聽起黎會似乾咳、長音，喉嚨卡住，但由於初期症狀並唔明顯，所以家長通常未必留意到，而心臟病導致咳嗽既原因之一，係因為心臟病變後，變型、變大，擠壓到氣管導致。
2.呼吸困難
心臟病變後會變型、變大，壓迫到毛孩既氣管，因此患上心臟病既毛孩經常會有呼吸困難既症狀，所以依D好似感冒既症狀都唔好大意啊🙆🏼♀️ 。呼吸困難都有可能係因為心肺功能下降，循環不佳造成肺水腫所導致，即係肺泡都被水覆蓋住既意思😣，已經很難進行正常既呼吸換氣功能，依種感覺就好似溺水咁，係會有生命危險架！
3.長時間躁動
罹患心臟病既毛孩，會因為感到不適而變得長時間躁動不安、不斷地來回踱步，雖然毛孩都係好動既，但活動冇幾耐（10-15分鐘左右）就可能顯得氣喘吁吁、舌頭發紫，有D毛孩甚至會係興奮既時候突然昏倒，如果有依個狀況，已經係相當危急啊！家長們千萬唔好掉以輕心🙆🏼♀️
4.食慾降低
當毛孩罹患心臟病導致氣管被壓迫，肺亦因為循環不佳而出問題，此時全身都係病痛既毛孩，就有可能因此食欲降低、精神不振。
5.體重減輕
食慾降低、精神不振，導致毛孩熱量攝取不足，體重亦因此日漸下降……
如果家長真係冇注意到毛孩食慾下降，至少可以發現毛孩日漸消瘦，所以如果發現你家毛孩突然間「減肥成功」，就要擔心一下係唔係身體出現問題啦🤔
平時要多飲水、讓毛孩保持適當的運動，並且平日飲食要避免高油高鹽的食物，人類食既食物就對毛孩黎講太油、太鹹，容易造成身體負擔。另外，天氣冷時要記得保暖，先可以降低罹患心臟病機率啊💁🏻♀️！
心臟病一旦發生，就係不可逆既變化過程，當家裡有心臟病既毛孩，飼主唯一能做既，就係透過各種方式，例如藥物治療黎盡可能延緩心臟惡化既速度，並努力確保毛孩既生活品質，令毛孩好好生活、延長嗰日既到來。咁除咗諮詢專業獸醫，接受正確治療之外，家長仲可以做咩呢，有咩需要留意呢，下次同大家分享一下🙆🏼♀️
Comments